Edhe pse më herët u tha se përfaqësuesja e lartë e Bashkimit Europian Federica Mogherini nuk do të takohen më kreun e opozitës, zyra e delegacionit të BE në Tirane ka shpërndarë një njoftim për mediat, ku thuhet se “të gjithë liderët politikë janë të ftuar që të takohen me Mogherinin, e cila pritet të vijë pasditen e sotme në kryeqytet, por Lulzim Basha si drejtues kryesor i Opozites nuk nominohet aspak.
Fillimisht u tha se Mogherini nuk do të takohej me kreun e PD-së, takim që nuk ishte caktuar as në axhendën e diplomates. Ndërkohë, dje Basha sqaroi arsyet se pse Mogherini nuk do të takohej personalisht me të. Ai tha se zonja Mogherini do takojë një përfaqësues të PD-së, edhe pse jo kryetarin, duke zbatuar kështu axhendën që ka.
“Pjesë e axhendës së saj do të jetë një takim me përfaqësues të partive politike, pjesë e takimit do të jetë edhe përfaqësuesi i PD. E rëndësishme është ajo që po i thuhet asaj. Do i thuhet që pacienti ka kollë të lehtë dhe do shurup apo që ka kancer dhe duhet futur urgjentisht në operacion. Unë e kam takuar zonjës Mogherini dhe do takoj sërish si kryeministër i Shqipërisë”- tha dje Basha.
Njoftimi:
Vizita në Tiranë e znj. Federica Mogherini , Përfaqësuese e Lartë e BE-së për Punët e Jashtme dhe Politikat e Sigurisë, Zëvendës Presidente e Komisionit Evropian
Përfaqësuesja e Lartë e BE-së për Punët e Jashtme dhe Politikat e Sigurisë /Zëvendës Presidentja e Komisionit Evropian Federica Mogherini do të vizitojë Tiranën të premten, 3 mars.
Përfaqësuesja e Lartë Mogherini do të takohet me Presidentin Bujar Nishani, Kryeministrin Edi Rama, Kryetarin e Asamblesë Ilir Meta, si dhe me përfaqësues të partive politike parlamentare. Gjatë vizitës së saj znj. Mogherini do të flasë gjithashtu para studentëve të Universitetit të Tiranës.
Mediat janë të mirëpritura të mbulojnë veprimtaritë e renditura më poshtë:
3 mars, e premte
16:50 Mundësi për foto. Takim me Presidentin Bujar Nishani
Vendi: Ndërtesa e Presidencës, Bulevardi “Dëshmorët e Kombit”
17:30 Mundësi për foto. Takime me studentët e Erasmus+
17:45 Mundësi për foto. Takim me Ministrin e Punëve të Jashtme Ditmir Bushati
18:00 Mbulim i drejtpërdrejtë nga media. Fjalim në Universitetin e Tiranës së bashku me Ministrin e Punëve të Jashtme Ditmir Bushati
Vendi: Universiteti i Tiranës, Sheshi “Nënë Tereza”
18:45 Mundësi për foto. Takim me Kryetarin e Kuvendit Ilir Meta
Vendi: Ndërtesa e Kuvendit, Bulevardi “Dëshmorët e Kombit”
19:10 Mundësi për foto. Takim me partitë politike parlamentare
Vendi: Ndërtesa e Kuvendit, Bulevardi “Dëshmorët e Kombit”
20:00 Mundësi për foto. Takim me Kryeministrin Edi Rama
20:15 Mbulim i drejtpërdrejtë nga media. Përmbledhje për shtyp me Kryeministrin Edi Rama
Vendi: Zyra e Kryeministrit, Bulevardi “Dëshmorët e Kombit”
