Zëdhënësja e kryesisë së Partisë Socialiste, Elisa Spiropali ka hedhur poshte zerat se kushtetuta ia mundeson presidentit te mos dekretoje Fatmir Xhafen si minister i brendshem.
Spiropali i cilësoi marrëzi akuzat se Xhafaj ka qenë hetues që ka persekutuar dhe torturuar njerëz në kohën e diktaturës. Ne fakt, gjatë një interviste për Ora News Spiropali u shpreh se “kemi një mazhorancë shumë të qartë, kemi numrat, Kushtetutën e Shqipërisë e cila tregon qartë se si mandatohen ministrat. Do të ishte shumë e këshillueshme që Presidenti i Republikës, me gjithë respektin, të mos e ndjekë zotin Basha në këtë marrëzi por të respektojë Kushtetutën e vendit dhe të lejojë formimin normal, dekretimin normal të qeverisë së re”.
