Gazeta e përjavshme gjermane ‘Focus’ ka renditur shtetet më të fuqishme ushtarake në botë. Sipas kësaj liste kryeson SHBA-ja, e ndjekur nga Rusia dhe Kina.
Vendet e tjera më të fuqishme ushtarake janë India, Franca, Britania, Japonia, Turqia, Gjermania dhe Italia. Kurse Madagascari, Gaboni, Kongo dhe Bosnje e Hercegovina janë në fund të listës të publikuar nga ‘Focus’
Rusia ka rreth dy herë më shumë tanke se Shtetet e Bashkuara të Amerikës, për dallim nga aeroplanët ushtarakë ku kryeson shteti amerikan.
Shteti rus gjithashtu ka programin për ta rritur fuqinë e ushtrisë kombëtare me armatime deri në vitin 2025, gjë që do të shërbej edhe si mjet për zhvillimin ekonomik.
Ekspertët kanë vërejtur se modernizimi i gjerë ushtarak, dhe rritja e kapaciteteve të prodhimit të pajisjeve ushtrake, paraqesin një fakt me rëndësi për forcat ushtrake të shteteve të ndryshme nëpër botë.
Eksportet e armëve nga Rusia në vitin 2016 kanë arritur deri në 56 miliardë dollarë.
Këto statistika janë publikuar pas tensioneve të shumta ndërmjet SHBA me Rusinë dhe Korenë e Veriut.
