Shumë prindër detyrohen çdo ditë të zgjedhin mes rrobave e artikujve për shkollë, dhe pagesës së qerasë. Ata përjetojnë çdo ditë ankthin e të pasurit një çati sipër kokës së fëmijëve të tyre.
Një studim i bërë së fundmi në Angli thotë se 44% e familjeve sakrifikojnë ushqimin, rrobat apo aktivitete të ndryshme për ta dhe fëmijët që të mund të paguajnë qiranë. 1/3 heqin dorë nga rrobat për vete ose partnerin, 1/5 shkurtojnë shpenzimet në ushqime, dhe 15% e tyre në lodra dhe aktivitete për fëmijët.
Ndërkohë 1 në 10 familje ka vështirësi në pagesën e faturave të energjisë elektike, karburantit për automjetin e tyre, apo taksa të tjera.
Ndërsa dimri po afron, një studim tjetër thotë se 1/3 e shtëpive detyrohen të bëjnë një zgjedhje tjetër: mes ngrohjes apo ushqimit.
Sipas këtij studimi më shumë se gjysma e pensionistëve dhe familjeve me fëmijë përgjysmojnë dushet e ngrohta për të kursyer para. Një pjesë tjetër e fokuson ngrohjen vetëm në një dhomë të shtëpisë./Opinion.al
