Mosha është me të vërtetë vetëm një numër për Emma Wren Gibson. Ajo u lind më 25 nëntor 2017, por e veçanta është se ajo erdhi në jetë nga një embrion i ngrirë më 14 tetor të vitit 1992.
Carol Sommerfelt, drejtor i Laboratorit të Embriologjisë në Qendrën Kombëtare të Donatorëve të Embrionit, shkriu “Emma-bryo” më 13 mars.
Nëna e Emmas, Tina Gibson, pranon të jetë tronditur kur zbuloi se do të mbante një vezë aq të vjetër sa ajo.
“A e kuptoni se unë jam vetëm 25 vjeç? Ky embrion dhe unë mund të kishim qenë miq”, tha Gibson për CNN kur Emma lindi.
Vogëlushja Emma besohet të jetë embrioni më i vjetër i ngrirë që erdhi në jetë me një lindje të suksesshme, duke mposhtur edhe rekordin e mëhershëm, të një embrioni të vjetër 20 vjet, transmeton Klan Kosova.
Por Tina Gibson, e cila tashmë ka mbushur 26 vjet, duket se ka pasur qëllime të tjera, e jo rekordet botërore.
“Doja vetëm një fëmijë. Nuk më intereson nëse është një rekord botëror apo jo”, tha ajo për CNN.
Tina dhe burri i saj, Benjamin jetojnë në Tennessee dhe morën embrionin e tyre plotësisht të fekonduar nga Qendra Kombëtare e Donacioneve të Embrionit në Knoxville.
“Emma është një mrekulli e ëmbël. Besoj se ajo duket perfekte për të qenë e ngrirë gjithë këto vjet më herët”, ka thënë babai i Emmas.
Mjeku që ka kryer këtë lloj fekondimi të embrionit, shpreson se kjo storie do të inspirojë prindërit që janë duke i ruajtur embrionet, për t’i dhuruar ato për raste si këto./Opinion.al
