Analisti politik, Lorenc Vangjeli deklaron se do të ketë përshkallëzim të protestës për kukësianët e arrestuar në momentin kur ata do të dalin përpara gjykatës për masën e sigurisë.
Në bazë të ligjit 72 orë pas arrestimit, 24 të arrestuarit duhet të dalin për masën e sigurisë. Ndërsa familjarët e qytetarët kanë protestuar për dy ditë përpara drejtorisë së policisë së Tiranës, Vangjeli thotë se protesta do të zhvendoset në gjykatë ku mund të ketë situatë të paparashikuar: Bllokim të gjykatës.
“Është projektuar një lloj proteste që do të bëhet para gjykatës që do të jetë masive dhe do të ketë një përshkallëzim të paparashikueshëm”, tha Vangjeli mbrëmjen e djeshme në emisionin Opinion.
