Sekretari i Përgjithshëm i Partisë Demokratike, Arben Ristani, ka hedhur poshtë zërat dhe hipotezat se protesta e opozitës do të jetë disaditore.
I ftuar në studion e lajmeve të Syri.net, Ristani tha se kjo protestë do të nisë dhe do të përfundojë gjatë ditës së nesërme.
Ndërsa shtoi se protesta do të jetë paqësore.
‘Protesta nuk do të jetë disaditore. Sapo mbaruam edhe një takim me drejtuesit e Policisë, ajo që është e sigurt është se protesta do të jetë paqësore’, deklaroi Ristani.
