Parlamenti i Maqedonisë ka vendosur që referendumi për ndryshimin e emrit të vendit të zhvillohet më 30 shtator.
Referendumi është miratuar me nismën e 68 deputetëve të shumicës.
Pyetja që do i drejtohet qytetarëve është: “A jeni për anëtarësim në BE dhe NATO me pranimin e marrëveshjes midis Republikës së Maqedonisë dhe Republikës së Greqisë?”
VMRO-DPMNE-ja e opozitës ka reaguar ndaj kësaj pyetjeje, duke thënë se formulimi i saj është i dykuptimtë dhe manipulativ.
Opozita kërkon një pyetje me kuptim të qartë, ndonëse nuk ishte e pranishme në parlament për të diskutuar amendamentet që kishte paraqitur vetë.
Shumica parlamentare thotë se me një referendum të suksesshëm vendit do t’i hapen dyert e integrimit në NATO dhe në Bashkimin Evropian, ndërsa populli maqedonas do të ruajë identitetin dhe gjuhën maqedonase.
s.a/dita
