Të hash çokollatë gjithë ditën dhe të paguhesh për të tingëllon si një ëndërr. Tashmë të gjithë të dashuruarit pas çokollatës mund ta bëjnë realitet ëndrrën.
Kompania “Nutella” po kërkon për punonjës të cilët testojnë shijen e çokollatës në mënyrë që të ndihmojnë në përbërjen e çokollatës së shijshme me lajthi.
Shijuesit, të njohur si “juria e shijes”, u kërkohet të testojnë kakaon, lajthinë dhe përbërës të tjerë që përdoren për çokollatën.
Aplikantët e suksesshëm marrin një kurs trajnimi tre mujor që do t’i ndihmonte ata të mësonin rreth shqisave dhe të përmirësonin aftësinë e komunikimit për të dhënë gjykime mbi produktet, shkruan Get Surrey.
Puna për këtë pozicion zgjat 4 orë në dy ditë, kështu që do të mund të punoni dhe në një punë tjetër.
Problemi i vetëm është se duhet të qëndroni në Alba, një qytet i vogël në Itali. Pra nëse e fitoni vendin e punës duhet të zhvendoseni atje.
