Nga Kreshnik Spahiu
Basha betohet dhe përgjërohet duke thënë që s’ka marrëveshje me Edi Ramën. Ai çirret dhe aktron në çdo koferencë shtypi. Ai madje lufton në fushë si ata futbollistët që kur shesin ndeshjen në loto-bast përplasen aq shumë në fushë sa arbiteri t’u japë kartonin e kuq. Por, që t’i biem shkurt po rendis disa fakte politike që e nxjerrin zbuluar Bashën në pazarin afat-gjatë me Edi Ramën.
1- Basha që kur doli nga çadra prej 1 vit e 6 muaj nuk flet asnjë fjalë për votimin elektronik mbi tē cilën ngriti kauzën e Republikës së Re.
2- Basha nuk ka thyer asnjë xham, s’ka shpuar asnjë gomë dhe nuk e ka vendosur trupin e tij dhe partisë në dyert e ministrive kur të kalojnë ministrat e korruptuar.
3- Basha gënjen sistematikisht për revolucionin që do bëj opozita në prill, maj, qershor, shtator apo dhjetor. Ai vazhdon premton dhe në Holand të nesërmen udhëton.
4- Basha ka marrë garancinë që të mbetet në krye të opozitës me privilegjet përkatëse dhe që të gëzojë pasurinë përrallore që ka.
5- Basha as nuk e vendos aspak në axhendën parlamentare reformën zgjedhore dhe ndarjen administrative.
6- Basha ka shitur zgjedhjet lokale pa ardhur ende fushata sepse as ka ndërmend të promovojë kandidat për bashkitē kryesore ndonëse PS me Erin, Gjushin, etj kanë filluar fushatën sepse zgjedhjet janë pas 7 muajsh, ndërsa ky refuzon të nxjerrë kandidat pasi ka frikë nga rritja e autoritetit të tyre.
7- Basha ka aksesin e plotë mediatik ndonse siç thotë vetë ai, media kontrollohet nga Rama, por ky i fundit e promovon Bashën në 5 konferenca shtypi në ditë që për askënd nuk përbën lajm profesional.
8- Basha dhe Rama nuk po bëjnë asnjë përpjekje për të arrestuar dy palët ministrat apo ish-ministat që 25 vite u korruptuan në pushtet.
9- Basha dhe Rama po mundohen së bashku të eleminojnë rivalët dhe personalitetet politike brenda llojit të dy partive me qëllim që ata t’mos kenë kundërshtarë.
10- Basha refuzon bojkotin parlamentar apo grisjen e mandateve sepse kjo ka qenë pjesë e marrëveshjes me Ramën. Pika kryesore e marrëveshjes së tyre është: Shkatërrojmë çdo kënd dhe mbetemi të dy, por me kushtin që humbësi i zgjedhjeve nuk e ngacmon fituesin gjatë kryerjes së mandatit.
