Ndërkohë që ka nisur prej orës nëntë të paradites së sotme mbledhja e Kryesisë së PS-së, gazeta Koha Jonë e drejtuar nga gazetari Nikollë Lesi, shkruan se që dje disa prej ministrave kanë bërë gati ‘valixhet’.
“Lajmi se qeveria do të ndryshojë rrënjësisht, ku shumica e ministrave do largohen, ka bërë që disa ministra të ishin në punë dje pasdite vonë. Ndërkohë opozita nuk kërkon vetëm largimin e disa ministrave të akuzuar për korrupsion, por vetë ikjen e Edi Ramës si kryeministër.
Sot do të jetë mbledhja e kryesisë së PS-së, ku Edi Rama do njoftojë ndryshimin e kabinetit të tij qeveritar si dhe sipas burimëve të besueshme nuk do të jetë në kabinetin e ri asnjë deputet i mazhorancës, përjashtuar dy femra deputete.
Që dje disa ministra kanë marrë gjërat e tyre personale nga zyrat shtetrore; dosje, piktura, çanta,etj. Po kështu kanë punuar me kabinetin e tyre për të rregulluar letrat e fundit, para ikjes.
Petrit Vasili thotë për KJ se duhet të ikë patjetër Edi Rama, kryemafiozi dhe kryehajduti, që edhe në ditët e fundit të jetës së tij politike miratoi ligj për supër të pasurit duke iu përgjysmuar taksat e jo për më vonë, por qëkur janë krijuar kompanitë e tyre”,shkruhet në shkrimin kryesor të Koha Jonë.
(E.K/FAXWEB.AL)
