Parlamenti do të mblidhet në seancë të jashtëzakonshme ditën e nesërme (e mërkurë, 16 Janar) në orën 17:00. Njoftimi ka dalë në faqen zyrtare ku thuhet se Mbledhja e Kuvendit është bërë me kërkesë të kryeministrit, ndërsa kryetari i Kuvendit, Gramoz Ruçi ka nxjerrë urdhrin këtë të martë, me rendin e ditës të përcaktuar, bazuar në nenin 74, pikat 2 dhe 3 të Kushtetutës, si dhe në nenin 42, pika 2 e Rregullores së Kuvendit.
Seanca, për të votuar ministrat e rinj të dekretuar nga Presidenti Meta me kërkesë të Kryeministrit Rama. Me votimin në parlament, pritet që ministrat e rinj të nisin direkt punën.
Përkatësisht:
Erion Braçe, Zv.Kryeministër
Besa Shahini, ministre e Arsimit
Belinda Balluku, ministre e Infrastrukturës dhe Energjisë
Anila Denaj, Ministre e Financave dhe Ekonomisë
Blendi Çuçi, Ministër i Bujqësisë dhe Zhvillimit Rural
Eduard Shalsi, Ministër i Sipërmarrjes dhe Biznesit
Elva Margariti, Ministre e Kulturës
Elisa Spiropali, ministre për Marrëdhëniet me Parlamentin
