Lefter Maliqi po shkon drejt marrjes së mandatit. Ai ka dorëzuar në Komisionin Qëndror të Zgjedhjeve formularin e vetëdeklarimit, që është hapi i parë dhe i domosdoshëm për marrjen e mandatit.
Maliqi është kandidat në qarkun e Beratit në listat e Partisë Demokratike, por që pas dorëzimit të këtyre listave në KQZ për zgjedhjet e vitit 2017, ai kaloi në radhët e Partisë Socialiste, në shenjë proteste kundër Lulzim Bashës.
Prej disa kohësh Lefter Maliqi mban detyrën e nëndrejtorit të Përgjithshëm të Burgjeve, ndërsa i pyetur ditë më parë se a do ta merrte mandatin apo jo, Maliqi tha se do të mendohej dhe do të vendoste në të mirë të qytetarëve.
Lefter Maliqi ka qenë deputet i Kuvendit të Shqipërisë në vitet 2009-2013, ndërsa më herët ka mbajtur funksione lokale në qarkun e Beratit./Opinion.al
