Një 48-vjeçar është arrestuar nga policia e Shkodrës, pasi ishte shpallurnë kërkim për shpërdorim detyre.
Mësohet se i arrestuari është Ardian Loci banues në lagjen “Skenderbeg”, Shkodër. Loci është dënuar nga Gjykata e Apelit në Shkodër me 1 vit e 10 muaj burg, për veprën penale “Shpërdorimi i detyrës”.
48-vjeçari është ish-shoferi i FNSH dhe akuzohet për dekonspirim operacioni.
Njoftim/Shkodër
Vijon puna për kapjen dhe ndalimin e personave të shpallur në kërkim.
Kapet dhe ndalohet një shtetas i shpallur në kërkim për shpërdorim detyre.
Nga strukturat e Drejtorisë Vendore të Policisë Shkodër, në bazë të informacioneve të marra në rrugë operative, është bërë kapja e personit të shpallur në kërkim, shtetasit Ardian Loci, 48 vjeç, banues në lagjen “Skenderbeg”, Shkodër.
Kapja dhe ndalimi i tij u bë pasi Gjykata e Apelit Shkodër, me vendim nr. 243, datë 21.06.2019 e ka denuar me 1 vit e 10 muaj burg, për veprën penale “Shpërdorimi i detyrës”.
Materialet iu referuan Prokurorisë së Rrethit Gjyqësor Shkodër për veprime të mëtejshme./ Opinion.al
