Dy javë pas tërmetit, Shqipëria përpiqet të rikuperojë dëmet, por ende nuk ka asnjë person të ndaluar apo shoqëruar lidhur me shkaqet e dëmtimit të disa objekteve.
Ndërtues, projektues, investitorë, zyrtarë lokalë tashmë duket se të gjithë kanë pjesën e përgjegjësisë në sistemin e ndërtimit që duket se në zinxhirin e tij ka çaluar në disa elementë.
Emisioni “Opinion”, trajtoi këtë të hënë pikërisht çështjen e përgjegjësisë, ndërsa qytetarët u pyetën me anë të një sondazhi.
“A duhet të ishin ndaluar menjëherë ndërtuesit pronarë të pallateve të rrëzuara nga tërmeti?”, ishte kjo pyetja e sondazhit, ku morën pjesë mbi 5500 votues. 91 përqind e tyre kërkojnë që të ketë përgjegjës për situatën e krijuar pas tërmetit./ Opinion.al
