Kreu i PD, Lulzim Basha ka dalë në krah të punëtorëve të nënstacionit të pompimit Poçemit që prej një jave janë në një grevë urie për shkak të mosmarrjes së 27 pagave. Ai ka qenë pranë tyre dhe ka parë gjendjen shëndetësore që ka nisur të rëndohet. Basha akuzoi qeverinë dhe Ramën për tradhti ndaj punëtorëve ndërsa thekson se ai vetë do të zhbëjë të gjitha padrejtësitë që janë bërë ndaj punëtorëve.
“Juve jeni shembulli i gjendjes ku ndodhet e gjithë Shqipëria. Ata pasurohu, ndërsa ju varfërohu. Ju punoni për familjen dhe frigoriferi është bosh. Kështu siç jeni shtrirë ju, është e shtrirë e gjithë Shqipëria. Kjo nuk është qeveri, janë një grup prej 15 vetësh që po vjedhin xhepat e juaj dhe po mbushin xhepat e tyre. Ta dini që nuk jeni vetëm, keni të gjithë Shqipërinë nga mbrapa. Këta nuk kanë vesh për t’ju dëgjuar s’kanë shpirt për tju kuptuar. Ndaj ne na keni gjithmone mbrapa. Kjo do t’i përkasë së shkuarës, kam ardhur këtu t’ju them se jeni shembulli i gjendjes ku ndodhen shqiptarët”, kanë qenë fjalët e Bashës në bisedën e bërë me grevistët.
STATUSI I BASHËS
Mbështetje pa kusht për punëtorët dhe kërkesat e tyre! Ata janë tradhëtuar, dhe keqtrajtuar nga qeveria. Viktimat e Edi Rames janë njerëzit e thjeshtë, qytetarët e ndershëm shqiptarë që luftojnë për mbijetesë dhe një jetë normale.
Në këtë betejë unë dhe Partia Demokratike do jemi zëri juaj, do jemi mbështetja juaj. Beteja juaj është beteja e çdo shqiptari, ne do të na keni në krah deri në plotësimin e kërkesave tuaja të drejta. Ju jap fjalën se do ti zhbëj të gjitha padrejtësitë ndaj jush.
(BalkanWeb)
