100 milionë lekë gjoba janë vendosur nga Policia në Korçë gjatë kontrolleve në lokale, bare, restorante dhe “fast food”-e.
Nisur nga situata e rënduar e pandemisë, kontrollet kishin si qëllim inspektimin e zbatimit të rregullave të distancimit social.
Deri më tani, janë marrë 10 masa administrative, nga 10 milionë lekë të vjetra secila.
Subjektet e gjobitura u konstatuan se shërbenin në ambjente të mbyllura dhe kanë thyer distancën 1,5 metra.
Ndër të tjera, policia ka këshilluar subjektet të respektojnë masat e vendosura nga Ministria e Shëndetësisë.
Edhe në qytete të tjera, policia u ka bërë apel qytetarëve dhe bizneseve që të zbatojnë me rigorozitet protokollet e sigurisë. /Opinion.al
