Kryeministri Edi Rama ka publikuar në mediat sociale një video nga konferenca e sotme e liderit të opozitës, Lulzim Basha.
Basha gjatë fjalës së tij thotë: “Durrësi kishte nevojë për 60 tamponë dhe sollën 15, mbeten afron 50 për sot”, duke bërë sërish një lapsus në llogaritjen e shifrave.
Ky gabim është kapur nga kryeministri, i cili nuk ka nguruar të ngacmojë kryedemokratin.
“Ahahaha o ti mos vdeksh kurrë, që nuk më zhgënjen asnjëherë… Po si, 60 minus 15 baraz 50 ëëë?!” shkruan Rama në Instagram teksa i dërgon dhe një puthje me emoji.
