Home KRYESORE Mona Lizë… Nga Gladiola Busulla

Mona Lizë… Nga Gladiola Busulla

Ti vezullon sonte!
Retë janë zhdukur
nga sytë e tu.
Gjethet po bien
lumturisht.
Frymëmarrje të paqta.
Këtë mbrëmje
s’ mund ta harroj.
Je ti hëna!
Mbretëresha e yjeve
që s’ faniten kurrë.
Mona Lizë!
Kujtimi yt,
i turbullt,
më vjen ndër mend.
Nga dashuria,
vdes dhe ringjallem,
unë sërish.
Mona Lizë,
e rinisë sime!
Shekuj të tërë –
rrahjesh zemre
na ndajnë…
Për ty,
në shpirt nuk mbaj dot zi.
Mona Lizë!
S’trishtohet kurrë
ai që dikur pat ndjerë
dashuri…
I murrëtyer dimri
mbi stalagmitet e zemrës.
Dhuromë, pra dhuromë,
një pikëz loti!
Të ujësoj akullimën.
Dhe tek ti,
të rikthehem sërish
Mona Lizë.

Share: