Përgatiti Gladiola Jorbus
Dritan Abazoviç, një emër i suksesshëm dhe sfidues që në moshë të re ka arritur majat e politikës në Mal të Zi.
Gjatë vizitës zyrtare në Shqipëri, ai u shpreh se ‘’pas ndryshimit të parë demokratik të qeverisë në historinë e tij dhe anëtarësimit të plotë në NATO, Mali i Zi dëshiron të shohë të ardhmen e tij në Bashkimin Evropian’’.
Duke folur për marrëdhëniet midis Malit të Zi dhe Shqipërisë, ai deklaroi se ato janë miqësore dhe theksoi rëndësinë e lidhjeve të mira rajonale, bashkëpunimin dhe promovimin e paqes dhe tolerancës për zhvillimin e Ballkanit Perëndimor.
Të premten e kaluar, zëvendëskryeministri Abazoviç u takua gjithashtu me përfaqësues të Shoqatës ‘’Ulqini’’ në Durrës, si pjesa përmbyllëse e vizitës së tij në Shqipëri. Gjatë takimit, ai përmendi se ndryshe nga ajo e mëparshmja, qeveria aktuale do të kujdeset veçanërisht për Ulqinin, si një qytet me potencial të jashtëzakonshëm natyror dhe ekonomik. Abazoviç i informoi ata mbi projektet e infrastrukturës që diskutoi me zyrtarët shqiptarë, të cilat duhet të lidhin Shqipërinë dhe Malin e Zi, si dy destinacione të njohura turistike në Detin Adriatik.
Ai shtoi gjithashtu se Parlamenti i Malit të Zi miratoi propozimin që prona në Valdanos t’u kthehej pronarëve të vjetër dhe se pasojat e erozionit të tokës në Ada Bojana u rregulluan brenda një periudhe të shkurtër kohe.
Dritan Abazović, i lindur më 25 dhjetor 1985 në Ulqin është politikan, President i Aksionit të Reformës së Bashkuar që nga maji 2017, anëtar i Parlamentit të Malit të Zi, nga 2012 deri në 2020, kur ai mori detyrën e zëvendëskryeministrit për sigurinë kombëtare në kabinetin e Zdravko Krivokapi.
Pasi mbaroi shkollën e mesme në Ulqin, Abazoviç u diplomua në Fakultetin e Shkencave Politike në Universitetin e Sarajevës, duke u bërë një valediktorian dhe fitues i “Artificial Badge” dhe “Golden Charter” të Universitetit të Sarajevës. Masterin e përfundoi në 2008 -ën, në Fakultetin e Shkencave Politike, Departamenti i Marrëdhënieve Ndërkombëtare, Universiteti i Malit të Zi. Më pas kreu doktoraturën në vitin 2019, në Fakultetin e Shkencave Politike në Universitetin e Sarajevës, disertacion doktorature “Politika Globale – Aspekte Etike të Globalizimit”.
Ai ka qenë bashkëpunëtor i organizatave joqeveritare në fushën e të drejtave të njeriut, Euro-Atlantikut dhe aktivizmit qytetar. Dritan Abazoviç është angazhuar në projekte të lidhura me promovimin e multikulturalizmit në zonat pas konfliktit të ish-Jugosllavisë.
Si pjesëmarrës në programe, konferenca dhe seminare ndërkombëtare, ai u specializua në disa programe studimi. Nga 2005 në 2007 ai ishte asistent në Fakultetin e Shkencave Politike në Universitetin e Sarajevës. Në vitin 2009, ai përfundoi kursin për Studimin e Paqes (Kërkimi i Paqes) në Universitetin e Oslos. Në të njëjtin universitet, ai përfundoi një seminar për zhvillimin profesional (Zhvillimi Profesional).
Në vitin 2011, ai ka jetuar në Shtetet e Bashkuara, teksa merrte pjesë në programin e Departamentit të Shtetit në Washington D.C. Nga 2010 në 2012, ai ishte Drejtor Ekzekutiv i kompanisë lokale të transmetimit ‘’Teuta’’ (Ulqin, Mali i Zi).
Nga viti 2010 deri në vitin 2012, ai ishte Drejtor Ekzekutiv i OJQ-së ‘’Mogul’’ në Ulqin. Në vitin 2010, ai botoi librin e tij të parë “Kultura Kozmopolitane dhe Drejtësia Globale”. Gjithashtu ai ka punuar edhe si mësues gjimnazi në Ulqin, duke dhënë mësim sociologjinë e kulturës, komunikim dhe historinë e fesë. Abazoviç flet rrjedhshëm shqip, serbokroatisht dhe anglisht.
