Në një fjalim në ditën e 56-të të luftës, presidenti i Ukrainës Volodymyr Zelensky tha se Bashkimi Evropian po planifikonte një paketë të gjashtë sanksionesh ndaj Rusisë.
“Ne po punojmë për ta bërë atë vërtet të dhimbshme për ushtrinë ruse dhe shtetin rus në tërësi,” tha Zelensky, duke shtuar se ai ishte në bisedime me presidentin e Këshillit Evropian Charles Michel për çështjet mbrojtës, çështjet financiare, si dhe sanksionet.
“Në veçanti, sanksionet do të ofrojnë kufizime në sektorin energjetik të Rusisë, sektorin bankar, eksportet, importet dhe transportin”.
Ai përsëriti gjithashtu thirrjen e tij për një embargo të plotë ndaj furnizimeve ruse të naftës.
Zelensky tha se ai foli me Michel për “kërcënimin për krizën ushqimore dhe energjitike në Evropë” dhe mundësinë e rifillimit të eksporteve bujqësore ukrainase dhe bllokimin e “aftësisë së Rusisë për të shantazhuar Evropën”.
Para takimit të tyre, shefi i Këshillit Evropian vizitoi Borodyanka në Kiev me ekipin e tij, tha Zelensky, dhe “pa me sytë e tij shkatërrimin që Rusia kishte shkaktuar”.
“Nuk mund të ketë drejtësi pa paqe”, tha Zelensky duke shtuar se ushtria dhe komandantët rusë do të mbahen fajtorë për krime lufte.
“Çdo mbiemër, çdo adresë shtëpie, çdo llogari bankare – do ta gjejmë ”-tha Zelensky.
