Rubrika: Të shpjegojmë thjesht ekonominë!
Nga Irena Beqiraj
Si të tingëlloni një Ekonomist i mirë?!
Si sot 12 vjet me parë, në Dhjetorin e largët të vitit 2010 një student më shkruante : Profesoreshë , vitit tjetër dua të tingëlloj një “ekonomist i mirë” në cdo argument. A keni ndonjë këshillë ?
Lista e dhjetëve këshillave të mia ishte :
- Sa herë t’ju ofrojnë argumentin “kjo është falas” , përgjigju se “nuk ka asnjëherë drekë falas. Kjo botë duket e mbushur me gjëra të lira problemi është se kushtojnë shtrenjtë”
- Justifikoni çmimet e ulta edhe të larta me ligjet e kërkesës ofertës . Edhe një papagall po ti mësonte këto dy ligje do të quhej ekonomist.
- Pavarësisht nëse jeni pro apo kundra qeverisë, kujtohu që në te gjitha rastet ajo mbetet shpenzuesja më e shkujdesur . Adam Smith thoshte : Përfaqsuesit e qeverisë e konsiderojnë pasurinë e zotërisë së tyre ( publikut ) si të pashtershme; janë të pakujdesshëm me çfarë çmimi blejnë dhe me çfarë çmimi shesin.”
4.Mbroni cdo vendim ekonomik që keni marrë duke argumentuar se “kostoja e vendimeve alternative ishte më e lartë”.
- Sa herë që ekonomistët flasin për parashikime ekonomike kujtohuni që ” parashikimet ekonomike kanë vetëm një funksion , të rrisin respektin për astrologjinë. Ndaj kur një ekonomist përdor shifra me presje dhjetore për parashikimet tregon që ka sens humori.
- Cdo shpjegim ekonomik ka dy anë. Ndaj ekonomistët përdorin shpesh arsyetimin “nga njëra anë…por nga ana tjetër” . Aq shumë ishte lodhur nga kjo shprehje Harry Turman (ish President i SHBA-së) sa fillojë të kërkonte një ekonomist të një anëshem ( Give me a one-handed Economist. All my economists say ‘on hand…’, then ‘but on the other.)
- Justifikoni dëshirën tuaj për të blerë rroba Italiane, verë franceze , apo makinë gjermane duke ju referuar, “avantazhit krahasues”
8.Kur ju pyesin si ka mundësi që ekonomia rritet por ju ankoheni se po konsumoni më pak kujtohu që në ekonomi ” madhësia e byrekut nuk ka lidhje fare me sa konsumoni ju “.
9 .Për të hedhur poshtë çdo fakt të papërshtatshëm për argumentin tuaj , referojuni evidencave ekonometrike ” ato janë të paqarta për shumicën e cështjeve”
10.Dhe së fundi, mënyra më e besueshme për t’u dukur si një ekonomist është të mbani mend se, pavarësisht nga tema, ” cdo gjë vërtitet gjithmonë rreth me ekonomisë.”
Edhe e dini si mu përgjigj ?
Faleminderit Profesoreshë . E kuptova ! Ekonomistët qenkërkan si fëmijët mbretëror. Cfarë ato bëjnë është e rëndësishme , por ata nuk dënohen kurrë për gabimet e tyre.
🤣🤣🤣🤣🤣🤣.
