Kryetari i Partisë së Lirisë Ilir Meta ka kujtuar 24-vjetorin e bombardimit të Serbisë nga ana e NATO-s.
Meta shprehet se bombardimi i dha fund përgjakjes së Ballkanit nga kasapi Slobedan Milosheviç.
“24 Marsi është një ditë historike për të gjithë shqiptarët, rajonin dhe NATO-n.
Fillimi i bombardimeve kundër regjimit kriminal të Millosheviçit jo vetëm do t’i jepte shumë shpejt fund gjenocidit ndaj shqiptarëve të Kosovës por do t’i jepte fund përgjakjes të Ballkanit për një dekadë të tërë nga “Kasapi i Beogradit”.
Ndryshime të mëdha kanë ndodhur në rajonin tonë që nga krijimi i shtetit të ri të Kosovës që është një shembull për demokracinë funksionale, zgjedhjet e lira dhe deri te zgjerimi i NATO-s në rajon përfshirë edhe Shqipërinë.
Mirënjohje të veçantë për NATO-n, SHBA, Britaninë e Madhe dhe të gjithë vendet e tjera, që shpëtuan një popull të tërë nga gjenocidi dhe çelën një perspektivë të re afatgjatë për të gjithë rajonin”, shkruan Meta.
360grade.al
