Papa Françesku ka ekspozuar “manovrat” politike të përdorura gjatë dy zgjedhjeve më të fundit të papëve, ndërsa mohoi se po planifikon të reformojë procesin për konklavat e ardhshme.
Zbulimet konfidenciale janë pjesë e librit “Pasardhësi: Kujtimet e mia të Benediktit XVI “, në të cilin Papa argjentinas reflekton mbi marrëdhënien e tij me Papën e ndjerë gjerman dhe me ndihmësin e vjetër të Benediktit.
Libri, i shkruar si një bisedë me korrespondentin e të përditshmes spanjolle ABC, Javier Martínez-Brocal, vjen në një moment delikat për 87-vjeçarin. Shëndeti i tij ka ngritur pikëpyetje, nëse mund të ndjekë hapat e Benediktit. të japë dorëheqjen dhe se kush mund ta zëvendësojë.
Në libër, Françesku zbulon detaje konfidenciale në lidhje me konklavën e vitit 2005 që zgjodhi Papa Benediktin dhe fletën e votimit të vitit 2013 në të cilën ai vetë u zgjodh, duke thënë se atij i lejohej të devijonte nga betimi i sekretit të kardinalëve, sepse ai është papë.
Në vitin 2005, tha Papa Françesku, ai ishte “përdorur” nga kardinalët që donin të bllokonin zgjedhjen e Benediktit, atëherë Kardinali Joseph Ratzinger dhe se ata arritën të ndryshonin 40 nga 115 vota. Ideja nuk ishte të zgjidhej argjentinasi, por përkundrazi të kishte një kompromis pas eliminimit të Ratzinger nga gara.
“Më thanë më pas se nuk donin një papë ‘të huaj’”, me fjalë të tjera, një që nuk ishte italian”, tha Papa Françesku.
Papa Françesku tha se i dha fund diçkaje të tillë duke njoftuar se nuk do të pranonte të ishte Papë, pas së cilës u zgjodh Ratzinger.
“Ai ishte i vetmi që mund të bëhej papë në atë moment,” tha Françesku, duke shtuar se edhe ai votoi për Ratzinger.
Në vitin 2013, pas dorëheqjes së Benediktit, pati edhe manovra politike. Papa Françesku, i cili në atë kohë ishte kardinali Jorge Mario Bergoglio tha se e kuptoi vetëm pasi kardinalët po bashkoheshin pas tij, duke e ngacmuar me pyetje rreth kishës në Amerikën Latine dhe duke lënë të kuptohet se ai po fitonte mbështetje.
Papa Françesku mohoi zërat se po planifikon ndonjë reformë të rregullave të konklavës për zgjedhjet e ardhshme papale.
Mediat konservatore kanë spekuluar, pa asnjë atribut, se Papa Françesku po ndërhynte me protokollet për të kufizuar diskutimet para konklavës për nevojat e kishës tek kardinalët nën moshën 80 vjeç.
Vetëm ata kardinalë, shumica e të cilëve u emëruan nga Françesku mund të votojnë për papën e ardhshme, por kolegët më të vjetër aktualisht lejohen të marrin pjesë në diskutimet e mëparshme.
Ndërsa Papa mohoi ndonjë reformë të tillë, ai zbuloi se po rishikonte protokollin për funeralet papale. Ai tha se donte të siguronte që papët “të varroseshin si çdo bir i kishës”, në një mënyrë dinjitoze, por jo të tepruar.
Në libër, Françesku lanë disa hesape edhe me sekretarin për një kohë të gjatë të Benediktit, Kryepeshkopin Georg Gaenswein, të cilin fillimisht e pushoi dhe më pas e internoi nga Vatikani pas asaj që ai e përshkroi si një seri vendimesh të pakujdesshme që ia kishin bërë jetën më të vështirë.
/abcnews.al
