Dhoma e Ulët e Parlamentit të Rusisë ka propozuar ndëshkimin e ushtarëve rusë të kapur duke përdorur telefona inteligjentë gjatë luftimeve në Ukrainë, raportoi media shtetërore TASS.
Kjo vjen pas shqetësimeve në rritje se pajisjet elektronike mund të zbulojnë vendndodhjen e trupave në fushën e betejës.
Sipas një projektligji të mbështetur nga Komiteti i Mbrojtjes së Dumës Shtetërore, mbajtja e telefonave celularë të lidhur me internetin, të dhënat e të cilëve mund të identifikojnë trupat ruse ose vendndodhjen e forcave, do të klasifikohet si një “vepër disiplinore e rëndë” e dënueshme deri në 10 ditë arrestim. Shkeljet e shumta mund të çojnë deri në 15 ditë arrestim.
Ligji do të ndalonte gjithashtu përdorimin e pajisjeve të tjera elektronike të destinuara për “qëllime shtëpiake” të cilat lejojnë regjistrimin video dhe audio dhe transmetimin e të dhënave të vendndodhjes.
Ushtarët rusë dhe ukrainas thuhet se kanë përdorur telefonat celularë të armikut për të identifikuar objektivat gjatë luftës, duke grumbulluar të dhëna nga fotot dhe mesazhet për të gjurmuar koordinatat dhe për të nisur sulmet.
Top Channel
