Kryeprokurorja e Përgjithshme e Përkohshme Arta Marku mësohet se e ka ankimuar vendimin e Këshillit të Lartë të Prokurorisë, ku u rendit e dyta në listën e kandidatëve për Prokuror të Përgjithshëm.
Ajo është renditur e dyta me 406 pikë pas prokurorit Olsian Çela me 459 pikë, ndërkohë që Fatjona Memçaj është renditur e treta me 362 pikë.
KLP miratoi më 14 nëntor me shumicë votash listën lidhur me renditjen e kandidatëve për Prokuror të Përgjithshëm me mandat kushtetues.
Kjo listë më pas i dërgohet Kuvendit i cili ka 30 ditë kohë për të votuar Prokurorin e Përgjithshëm. Nëse Parlamenti nuk e miraton në 30 ditë atëherë emërimi bëhet nga Këshilli i Lartë i Prokurorisë./Opinion.al/
