Rojat e sigurisë të Presidentit turk, Rexhep Tajip Erdogan, u përleshën me protestuesit në ditën e dytë rradhazi në Uashington DC. Ata kane shtyrë me forcë gazetarët dhe madje u përballën edhe me policinë e qytetit, që nuk pranoi t’i largonte protestuesit nga zona, por edhe qendroi indiferente ndaj perplasjes midis protestuesve dhe truprojave te presidentit turk.
Fjalimit të Erdoganit në Institutin Brookings, iu bashkua një grup protestuesish që e kritikonin atë për dhunimin e fjalës së lirë në Turqi, trajtimin që po i bën popullsisë kurde të vendit, si dhe tolerancën ndaj Shtetit Islamik. Përplasjet e bodigardëve të Erdogan me demonstruesit janë janë filmuar e janë shpërndarë shpejt në rrjetin social Twitter.
