Artan Hoxha ka folur për raportimin e kreut të SPAK në KLP.
Hoxha tha se Dumani ngriti disa shqetësime, ndër më të rëndësishmet lidhjet e biznesmenëve të mëdhenj me krimin e organizuar dhe faktin që SPAK nuk ka besim te policia pasi zyrtarë të niveleve të larta në polici, kanë lidhje me krimin.
“SPAK ka një lehtësi të madhe, nuk raporton në Kuvend, por te KLP. Prandaj sot edhe atmosfera aty ishte shumë ekzaltuese, të gjithë në mbështetje të SPAK.
Në raportin që mbajti kreu i SPAK, ishte më i detajuar, ishte interesante që konfirmuan shumë nga problematikat që kemi nxjerrë këtu, bazat e krimit, korrupsioni, madje arriti puna derisa Dumani shkëputi dy elementë, kërkoi që SPAK të lirohet nga dosjet e vogla. Së dyti tha se kemi mungesë të policisë gjyqësore.
Zoti Dumani dha një shifër, në krahasim me vitin 2022, institucionet shtetërore kanë ulur numrin e denoncimeve. Në vend që të shtoheshin, e kanë ulur. Doganat, tatimet. Ai specifikoi krimin ekonomik. Krimi ekonomik duhet të jetë zgjidhje kryesore sot dhe aty duhet të përqëndrohet edhe investimet në burime njerëzore dhe teknologji.
Elementi tjetër, tha se ka disa hetime që nuk mund t’ja besojmë policisë. Tha se janë hetime që i bëjmë me BKH, sepse në disa hetime dalin si bashkëpunëtorë të organizatave kriminale, drejtues të lartë të policisë.
Pra institucionet nuk bëjnë denoncime. Besimi te institucionet, pjesën dërrmuese të veprimeve në terren i bën policia dhe nëse është kjo problamtikë, kemi problem shumë të madh.
Duke parë si do të vijojë, kazani sapo ka nisur të nxehet. Dumani tha se SPAK i vetëm nuk ja del dot.
Ai bëri një ndarje të grupeve kriminale, zonave më të nxehta. Zgjerimin e organizatave kriminale, veprimin e tyre në Amerikën Latine, etj. Përcaktoi zonat e nxeha në vend, përfshirë edhe Portin e Durrësit, ku organizatat e mëdha kanë të gjitha kontakte sepse zbarkon kokaina.
Për herë të parë një drejtues nxjerr shqetësimin dhe thotë biznesmenë të fuqishëm, kryesisht me organizata në nivel lokal, luajnë rolin e ndërmjetësit, sepse organizatat duhet të investojnë, u duhen bizneset.
Problemi më i madh që tha Dumani, ishte fakti që këta biznesmenë kanë lidhje të forta dhe akses në organet e hetimit, polici, gjyqësor dhe këta u krijojnë kontakte që ose të korruptojnë ose të parandalojnë veprimet ndëshkuese ndaj tyre.
Dumani tha se bizneset e mëdha janë kthyer në ndërmjetës mes organizatave kriminale dhe administratës publike. Ky është një alarm.
Saktësoi edhe numrin e personave nën përgjim. Kjo binte në sy sepse u duk shumë i madh numri i personave në përgjim”, tha Hoxha në emisionin “Të Paekspozuarit” në MCN TV.
360grade.al
