Thellohet skandali me provimet në Universitetin Bujqësor të Tiranës. Denoncimi vijon prej 3 netësh në emisionin “Fiks Fare” ku me anë të videove të kamerave të fshehta duket sekseri Bujar Nasufi i cili negocion me gazetaren madje kërkon edhe favore seksuale.
Në një video të re të publikuar nga ky emision ai mori paratë për provimet e 3 lëndëve: “Taksim”, “Komunikim biznesi” dhe “Menaxhim karriere”. Për këto provime u paguan 41 mijë lekë të reja.
Sekseri rriti çmimin, pasi bashkëpunëtorja e “Fiks Fare” refuzoi të ishte e dashura e tij. Nuk mungojnë në video fjalët: “të kam shpirt ty, të dua shumë dhe se do shkosh tek muhabeti im”.
