Kryeministri Edi Rama ka zhvilluar mbrëmjen e djeshme një takim me disa prej ministrave të kabinetit qeveritar dhe drejtues të Partisë Socialiste.
Takimi në vilën qeveritare nisi rreth orës 20:30 dhe ka përfunduar pas rreth dy orësh. Në takim kanë qënë të pranishëm edhe zëvëndëskryeministri Niko Peleshi, ministrat Saimir Tahiri, Arben Ahmetaj, Damian Gjinkuri, Blendi Klosi.
Në takim morën pjesë edhe kryetari i grupit parlamentar, Gramoz Ruci, nënkryetari Aulant Balla, si dhe Erion Veliaj. Takimi vjen në një kohë kur opozita këmbëngul për qeveri teknike dhe deklaron se nuk tërhiqet nga kërkesa e saj.
