Policia e Vlorës ka dhënë detaje në lidhje me atentatin e ndodhur në mesanët në Ksamil, ku është ekzekutuar Vangjel Çiko, 50 vjeç babai i Dhimitër Çikos, i arrestuar për vrasjen e Aleksandër Bardhit.
Sipas policisë, 50-vjeçari është gjetur i ekzekutuar në makinën e tij, në oborrin e banesës.
Deklarata e plotë e policisë:
Më datë 19.08.2017, rreth orës 23:50, Salla Operative Sarandë ka marrë njoftim se në lagjen ”Baxho”, në Ksamil, janë dëgjuar të shtëna me armë zjarri.
Policia ka shkuar menjëherë në vendngjarje dhe nga verifikimi paraprak kanë konstatuar se brenda në automjetin tip ”Mercedes Benz”, në oborrin e banesës së tij, është gjendur i vrarë me armë zjarri nga persona të paidentifikuar, shtetasi Vangjel Çiko, 50 vjeç, banues në Ksamil.
Policia ka ngritur menjëherë pika të shumta kontrolli dhe janë angazhuar shërbimet për identifikimin dhe kapjen e autorit.
Grupi hetimor po vazhdon kryerjen e hetimeve për zbulimin dhe zbardhjen e plotë të rrethanave të ngjarjes si edhe për kapjen e autorit.
