“Paradise Paper” që ekspozuan sot skemat e evazionit fiskal të elitës globale kanë nxjerrë emra surprizë që kanë investuar në shoqëritë “off shore”.
Por kush janë disa nga emrat që përmenden në rrjetin e punës së 400 gazetarëve?
Mbretëresha e Anglisë, Ministri për Tregtinë në kabinetin “Trump”, Sekretari i Shtetit, këngëtarë të famshëm si Madona dhe Bono, ish-gjenerali Uesli Klark, bashkëthemeluesi i Microsoft, Mbretëresha e Jordanisë, Presidentja e Liberisë, ministri i Thesarit të Kanadasë… janë disa prej tyre.
Lajmi është publikuar nga media gjermane që i referohet punës së 400 gazetarëve që kanë hulumtuar rreth 13.4 milionë dokumente sekrete që tregojnë dëshmi të evazionit fiskal midis politikanëve të rangut të lartë.
Ish-gjenerali Uesli Klark pas fitores se Berishes ne vitin 2005 erdhi si negociator pe rlidhjen e kontrates se Bankers me qeverine shqiptare, kontrate nga e cila po vuan ende ekonomia shqiptare.
Duket se nje pjese te fitimeve te tij i ka depozituar ne “of shore” per te shmangur taksat.
Media gjermane raporton se disa në kabinetin e presidentit amerikan Donald Trump kanë qenë të implikuar.
Konkretisht, gazetarët kanë zbuluar teknikat e evazionit fiskal të përdorura nga politikanët super të pasur dhe të rangut të lartë. Rrjedhja e të dhënave u raportua nga gazeta gjermane Süddeutsche Zeitung.
FAKSIMILET: Drejtorët e Bankers i shitën fshehtas aksionet e tyre!
Ekskluzive Dita – Në vitin 2014 nisën përplasjet e para mes Bankers dhe institucioneve të shtetit shqiptar.
Në prill 2014 Agjencia Kombëtare e Burimeve Natyrore i ka dërguar Ministrisë së Drejtësisë si dhe Avokaturës së Shtetit, një shkresë ku i kërkon gjetjen e një kompanie me eksperiencë në fushën e arbitrazhit, pasi çështja e anulimit të kontratës pritej të përfundonte në drejtësinë ndërkombëtare.
Pas një konsulence me kompaninë angleze “Omnia Strategy LLP” që drejtohet nga Cherie Blair, bashkëshortja e ish-kryeministrit anglez Tony Blair, qeveria Rama u tërhoq, për t’iu rikthyer përplasjes një vit e gjysëm më pas.
Por gjatë këtij 1 viti e gjysëm, kanë ndodhur në prapaskenë disa ngjarje vërtet interesante, për të cilat jo vetëm publiku shqiptar, por as aksionerët e Bankersit në Bursën e Torontos nuk janë vënë në dijeni.
Një raport me burim britanik njofton se drejtuesit e Bankers Petroleum kanë nisur të shesin fshehtazi aksionet e tyre.
Më 10 korrik 2014 pra vetëm pak javë pasi qeveria e Tiranës nën konsulencën e znj.Bler u tërhoq (me sa duket përkohësisht), drejtori John Brian Zaozirny shiti një vlerë aksionesh prej 187,189.96 paundë ose 20% të pjesës së tij në kompani.
Në datën 20 gusht edhe drejtori tjetër Robert M.D. Cross ka shitur një vlerë aksionesh prej 354,246.69 paundë ose 25% të aksioneve të tij në kompani.
Në 23 gusht 2014, edhe ish-gjenerali i NATO-s Wesley Clark ka shitur 30 mijë aksione, të vlerësuara në shumën £106,211.14. (106 mijë e 211 paund).
Si ka mundësi që drejtuesit dhe njerëzit më të informuar në Bankers, kanë shitur aksionet e tyre pikërisht në atë kohë? Rastësi? Do ishte naivitet të mendohet kjo.
Aksionerët e thjeshtë ndërkaq nuk kishin informacion mbi çfarë po ndodhte.
Madje ata nuk kanë marrë asnjë fitim ende, sepse nuk është ndarë dividenti asnjëherë.
Çdo problem i Bankers me shtetin shqiptar iu mbajt i fshehur aksionerëve të thjeshtë në bursë, madje edhe çështja e arbitrazhit.
U mësua për problemet me shtetin shqiptar vetëm kur Bankersit iu bllokua llogaria nga Tatimet.
Vlera e aksioneve ra menjëherë, por drejtorët e shkathët tashmë kishin shpëtuar një pjesë të mirë të kapitalit të tyre.
Kjo quhet “inside trading”. Të jesh në një pozicion të atillë që të kesh informacione konfidenciale, me shfrytëzimin e të cilave ti del me fitime ose shmang humbjet, duke lënë në errësirë ndërkohë aksionerët që të kanë besuar paratë e tyre, përbën një krim për të cilin shumica e legjislacioneve të vendeve perendimore parashikojnë dënime që variojnë sipas vendeve.
SHBA ka një bazë ligjore të rreptë për “inside traders”, nëse provohet fakti, dhe dënimi mund të shkojë deri në 20 vjet burg. Për individët, gjoba shoqëruese shkon deri në 5 milionë dollarë, ndërsa për kompani dhe ente juridike shkon deri në 25 milionë dollarë.
Arkiva – Dita (botuar në dhjetor 2015)
Pjesë e raportit që tregon aksionmbajtësit kryesorë të Bankers dhe faktin që disa prej tyre kanë nisur të shesin aksione në verën e 2014-s/gazetadita.al
