Përktheu: Elona Caslli
E dua fillimin e çdo gjëje,
shikimin para përkëdheljes,
fjalët para përqafimit,
dridhjen para puthjes,
butësinë para pasionit.
E dua gjestin që fshihet dhe më pas shpërthen,
entuziazmin para të zakonshmes,
idenë para projektit,
endrrën para realitetit.
E dua natën para agut,
lodhjen para pushimit,
diellin para erës,
dhe pikën e shiut para rrebeshit.
E dua fjalën e parë të çdo letre.
-Të dua- kur thuhet për herë të parë.
Notat e para të çdo melodie.
I dua ditët e para të verës
dhe ditët e fundit të dimrit.
