Nga Marsela Xhafa
Mirëserdhët në Shqipëri…! Në vendin ku ka më shumë se kudo nacionalistë hipokritë që e mbajnë veten për patriot të zjarrtë. E verteta është që këtë patriotizmin e vëmë re vetem kur luan kombëtarja shqiptare. Vetëm aty shpërthejnë rrjetet sociale me postime mbështetëse. Po a është kjo dashuri atdheu? Une them jo, sic do gje tjetër edhe nacionalizmin e shesim per tu dukur…
Pak kohë më parë një tragjedi e rëndë mbërtheu Francën. Pothuajse të gjithë shqiptarët me të drejtë mbështetën popullin francez dhe u bashkuan me dhimbjen e tyre le te themi edhe duke u ndërgjegjësuar në rrjetet sociale.
Po per vendin tonë, për tragjeditë që po ndodhin cdo ditë pse nuk ndërgjegjësohemi? Pse kaq pak dashuri kemi për njeri-tjetrin? Nuk e ndiejmë dhimbjen e tjetrit? Po pse dreqin jemi bërë kaq egoist sa shohim vec nga dera e shtepise e brenda?
Një fëmijë e pafajshëm u shkrumbua në flakët e zjarrit, të cilat I morën frymën, një tragjedi e rëndë ndodhi në Pogrradec, akoma më e tmerrshme ishte ngjarja në Elbasan, cdo ditë po dëgjojmë lajme të sa, të duket sikur jetën tënde në të vërtet nuk e ke ti më në dorë. Asgjë nuk është më e sigurtë.
Pse nuk ndërgjegjësohemi për këto? Cfarë duhet të na ndodhi tjetër që të na ftilloi, të na bëj të reagojmë? Nuk pashë boom-e statuse nëpër facebook .
Ama një gjë kuptova që nuk rri dot pa e thënë sepse një këmishë që nuk më rri e as më bën, nuk kam si e vesh. Pashë gjithandej nëpër fb e jo vetem se shqiptarët I ka prekur shumë vdekja e Sadnes, jo vdekja e saj po vdekja në film sepse ajo është si kokrra e mollës në mes të Indisë.
Të gjithë bëhëshin bashkë e tregonin sa e kishin vuajtur, sa lot kishin derdhur, Sadna ishte një ëngjëll pse duhet te vdiste… Madje pashë që edhe u hapën faqe fb R.I.P Sadna, apo shumica e njërëzve lëshonin një lumë akuzash, sharjesh e mallkimesh ndaj regjizorit të filmit.
Ja këta jemi ne. Na dhemb shume vdekja e personazhit të filmit e reagojmë, ama tragjeditë që po ndodhin përditë në këtë Shqipërinë tonë 28 mijë metra katrorëshe, nuk na prekin!
Jemi për të ardhur keq o patriote te rrejshem!
Vërtet!
