Nga Artur Nura
Publikimi i një pjese të përgjimeve nga ana e liderit të LSDM-së, përveç se nxori në pah uzurpimin e institucioneve, shkeljen e të drejtave të njeriut, korrupsionin, shantazhin, kontrollin e mediave, kontrollin mbi gjyqësinë, partitizmin e institucioneve shtetërore etj, nxori në pah edhe pozicionin e dy partive parlamentare shqiptare, BDI dhe PDSH.
Për një kohë të gjatë opinioni publik ka kërkuar përgjigje, pse pozita e shqiptarëve të Maqedonisë është në atë nivel të tillë diskriminimi ndërsa kanë përfaqësim te larte politik. Ne fakt, dy parti politike, njëra në pushtet e tjetra në opozitë. Por nga përgjimet u pa qartë se të dyja janë aleate te VMRO-së Nikolla Gruevskit.
Dhe kjo, u vërtetua edhe gjatë negociatave të gjata me ndërmjetësim ndërkombëtar, për tejkalimin e krizës politike, ku këto dy këto parti mbajtën anën e kryeministrit ne ikje Nikolla Gruevskit. Në ato negociata përfaqësuesit shqiptar mbështetën dhe e forcuan pozicionin e kryeministri autokrat i cili vendin e largon qarte nga axhenda evropiane.
Shqiptarët e Maqedonisë në këto dekada kanë dhënë shumë kontribute për të themeluar dhe rritur partitë politike. Ata kanë dhënë shumë mund, djersë deri edhe gjak. Dhe kur e gjejnë veten të shpërdoruar nga përfaqësuesit e tyre politik, për të di-satën herë, u rritet skepticizmi politik dhe depresioni socio-kulturor. Opinioni I përgjithshëm edhe I opinionistëve është qe ata janë afër me një fatalizëm dhe me një situatë pa krye.
Ndërkohe nëse flasim për partitë e reja ne Maqedoni, të gjithë I llogarisnin minore. Kete e beri edhe faktori ndërkombëtar ne negociatat e fundit me aktoret politik ne Maqedoni! Ato dukeshin vërtete pa ndonjë ndikim themelor deri sa sondazhet e fundit ne Maqedoni i nxorën ato deri në rezultate te befasishme.
Pra, mund te thuhet se Partitë e reja nuk janë fare minore dhe janë në një trend rritjeje. ose me mire votuesit duan ndryshime politike ne Maqedoni dhe janë duke u lodhur me partitë e mëdha. Ajo që do të mund te quhet edhe befasi e vërtete, por edhe sinjal për partitë e tjera se cfarë rruge të ndjekin, është rezultati i sondazhit për Rilindjen Demokratike Kombëtare (RDK) e cila nga një parti gati para shpërbërjes, me dorëheqjen e liderit të saj historik Rufi Osmani ( siç ndodh rëndom me partitë tona që shuhen bashke me liderin) pas humbjes së zgjedhjeve lokale, arriti të rikthehet me 2 % mbështetje.
Tekstualisht rilindi. Si vete emri saj Rilindje Demokratike Kombëtare. Si feniksi. Rikthimi i fuqishëm i kësaj partie qëndron në aktin e dorëheqjes së ish kryetarit Rufi Osmani, pas humbjes së zgjedhjeve, nga njëra anë dhe aktivitetin konstant dhe qëndrimet e shëndosha politike të kryetarit aktual Vesel Memedi. Duket se Memedi po i rrit shpresat e shqiptareve për ta votuar partine e tij me frymën qe po i jep asaj.
Akti i dorëheqjes së një kryetari pas humbjes së zgjedhjeve nuk është akt normal në këto hapësira dhe duket ka bere përshtypje pozitivi ai i Osmanit. Është rasti vetëm ne Maqedoni. Vetëm kryetari I Demokracisë së Re e bëri jë akt të tillë, por pastaj kishte disa tentative për tu rikthyer në krye të saj dhe kjo bëri që ajo parti të zhduket tërësisht. Por, Rufi Osmani, nuk e bëri dorëheqjen si akti përkohshëm. Ai nuk e synon sërish kreun e RDK dhe kjo e bën RDK parti serioze në sytë e elektoratit.
Çdo lojë e mundshme e Rufi Osmanit për rikthim të tij në krye të kësaj partie do ta dëmtonte më shumë atë vetë, por edhe RDK-së do ti mbi-vishej imazhi i BDI-së dhe PDSH-së, si kompani private për realizim të interesave të liderëve te tyre. Pra, shqiptarët, edhe pse me droje, folën qarte. Ata dhanë udhë-rrëfim, treguan secilën rrugë duhet ta ndjekin politikanët dhe partitë e reja në Maqedoni.
Shqiptarët dhanë edhe orientim për sjelljen e kryetarëve të partive. Ata treguan se ka ardhur koha e Vesel Memedit dhe të ngjashmëve si ai ne politiken shqiptare te Maqedonisë. Ata treguan se ka ikur tashmë koha e liderëve zhurmë-mëdhenj dhe gojën plot forcë, por që asnjëherë nuk e shfrytëzuan në negociata me partitë maqedonase, por gjithmonë e përdoren për të shantazhe ndaj elektoratit shqiptar.
Elektorati dha shenja se cilin model e ka zgjedhur. Ka zgjedhur modelin e intelektualit të ri. Vesel Memedi ka studiuar në Malajzi, ka bërë Master në Britani, ka ndjekur edhe programin Fullbright në SHBA etj. Ligjërues në Universitetin e Evropës Juglindore dhe Universitetin Shtetëror të Tetovës. ( nga ku është diferencuar partiakisht).
Vesel Memedi është pra, një politikan energjik që jep kontributin maksimal si këshilltar komunal në komunën e Gostivarit dhe njëkohësisht i afërt me qytetarët. Cilësitë e personit praktik dhe pragmatik, por edhe njohësit të politikë siç e dëshmoi edhe me aktin e bashkëpunimit me Lëvizjen për reforma në PDSH, që udhëhiqet nga Zijadin Sela duke ndërtuar themele politike për një Aleance për Shqiptaret e Maqedonisë. Pra, elektorati sheh, vlerëson shpërblen dhe ndëshkon. Mjafton ta kuptojmë mesazhin e tij! Mesazhi i shqiptarëve në Maqedoni është në favor të Vesel Memedit dhe të ngjashmëve si ai!
