Publikohen pamjet e momentit pak para se të ndodhte masakra në Dajç të Shkodrës, ku u ekzekutuam me kallashnikov 2 persona dhe u plagosën 4 të tjerë.
Gazeta Express ka siguruar videon e regjistruar nga kamerat e sigurisë së lokalit ku duket autori i krimit të rëndë 33-vjeçari Miklovan Parubi, tashmë i vënë në prangat e policisë pas një aksioni që zgjati rreth 14 orë.
Në video shfaqet autori dhe personat e tjerë teksa luajnë poker në ambientet e lokalit të Ajet Saitit 42 vjeç. Parubi është i ulur në tavolinën ku luhet, dhe shihet teksa debaton me një të ri, i cili më tej ulet të luajë. Mes tyre ka një debat që duket edhe në video.
