Presidenti Donald Trump zbuloi një informacion shumë të klasifikuar, për të ashtuquajturin Shteti Islamik, te ministri i Jashtëm rus, thanë zyrtarë amerikanë për mediat.
Informacioni erdhi nga një partner i Shteteve të Bashkuara të Amerikës, i cili nuk i kishte dhënë leje këtyre të fundit, për ta ndarë atë informacion me Rusinë.
Kjo ngjarje ndodhi gjatë takimit të Trump me Lavrov, javën e kaluar në zyrën Ovale, raporton Washington Post. Megjithatë, një zyrtar i lartë i sigurisë, ka thënë se raporti nuk është i vërtetë.
“Kjo histori është e rreme. Presidenti diskutoi vetëm kërcënimet e përbashkëta, me të cilat ballafaqohen të dy vendet”, tha Dina Powell, zëvendës këshilltare për sigurinë.
