Policia e Tiranës ka bërë të mundur arrestimin e djalit të Vehbi Alimuçës, ish-administratorit të firmës piramidale VEFA. Sipas policisë Artan Alimuçaj, 41 vjeç është i dënuar me 4 vite burg për ‘Pastrim parash’.
Kanë qenë Shërbimet e Forcës së Posaçme Operacionale në Drejtorinë Vendore të Policisë Tiranë që kanë bërë të mundur sot kapjen e Alimuçajt.
Për këtë shtetas, Prokuroria e Tiranës ka derguar urdhërin për ekzekutimin e vendimit të datës 18.11.2015, të Gjykatës së Tiranës, e cila e ka dënuar me 4 vite burg për Veprën Penale, “Pastrim i produktit të veprës penale”.
