Në një vizitë që ka pasur në Athinë ministri i Jashtëm i Serbisë, Ivica Daçiç është takuar me homologun e tij grek, Nikos Kotzias.
Ministri serb, as kësaj radhe nuk e humbi rastin që të shprehë falënderimet e tij ndaj Greqisë dhe Qipros, vende të cilat nuk e kanë njohur Kosovën.
“Serbia qëndron në mënyrë të vendosur për mbrojtjen e integritetit territorial të Qipros, dhe jemi mirënjohës për Qipron dhe Greqinë për mbështetjen e ndaj shtetit serb, e sidomos kur është fjala për Kosovën”.
Ai i vlerësoi tejet lartë raportet ndërmjet Greqisë dhe Serbisë, madje grekët i quajti vëllezër.
Sipas tij politikanët, vetëm duhet të jenë zbatues të asaj se çfarë dëshiron populli.
Dy ministrat ranë dakord që një takim i tillë të zhvillohet edhe në Beograd. /360grade.al
