Një ngjarje e çuditshme ka ndodhur në qytetitn e Librazhdit. Një burrë ka dhunaur kunatën dhe mbesat e tij, por në mënyrë të habitshme prokuroria i ka dhënë këtij të fundit urdhër mbrojtjeje.
Ngjarja ka ndodhur në fshatin Orenjë të Librazhdit ku shtetasja V. K. ka kryer kallëzim penal në Prokurorinë e Elbasanit për ushtrim dhune nga kunati, por urdhërin e mbrojtjes e ka fituar ky i fundit. Ajo ka braktisur shtëpinë dhe banon tek mamaja e saj, ndërkohë që ka frikë për dy vajzat që shkojnë në shkollë. Vera Kodra ka denoncuar disa herë dhunën në polici, por nuk ka marrë zgjidhje.
“E njihja shumë mirë se çfarë karakteri kishte sepse ishte mjaft i dhunshëm, rrihte vëllain, mua, fëmijët. Ndaj ika me vrap. Dola nga pas shtëpisë për të marrë policinë. I doli vajza përpara Blerina. Por ai po e rrihte. Dëgjoja ulërimat e vajzës që rrihej. Kam jetuar gjënë më të tmerrshme të jetës sime. Kur pashë vajzën të gjakosur dhe të lënduar në fytyrë nuk e doja veten. Gjaku i dilte nga hunda dhe goja”. – shprehet ajo./lapsi.al
