Nga Shpetim Zinxhiria
Emigrantët shqiptarë në realitetin grek hasin nga dita në ditë probleme nga më të ndryshme. Edhe pse kanë kaluar mbi dy dekada, emigracioni shqiptar akoma po endet në labirinthet e njëpasnjëshme të ligjeslacionit grek.
Tri problemet kryesore të shqiptarëve në Greqi sot janë mosnjohja e patentës shqiptare, dhënia e pensionit dhe leja e qëndrimit.
Problemi i parë
Lidhur me njohjen e patentës , shumë shqiptarë janë të punësuar si shoferë në transport dhe kompani të tjera. Një problem kyç me të cilin përballen është se, patenta shqiptare është një nga të paktët, nëse jo i vetmi vend që nuk njihet nga shteti grek.
Pra shoferët shqiptarë janë të detyruar të rimarrin provimet për të siguruar licencën e vozitjes greke duke paguar tarifat e nevojshme për shkollim dhe provimet. Sigurisht që ky fenomen ka shpjegimin e saj. Në fillim, shumë shqiptarë u trafikuan me licenca të rreme, kështu që autoritetet greke u kanë detyruar të gjithë shqiptarëve të marrin një patentë greke për të siguruar vlefshmërinë e aftësive të tyre të drejtimit. Gjoba për posedimin e lejes së shoferit ekskluzivisht shqiptar për një shqiptar aktualisht qëndron në 1,000 €.
Problemi i dytë është:
Një problem i madh për shqiptarët në Greqi është dështimi për të marrë një pension. Për shembull, shqiptarët me moshë të madhe sot që kanë punuar në vendin e tyre për 20 vjet dhe 18 vite të tjera në Greqi nuk marrin pension nga insitucioni i sigurimebe shoqërore IKA, sepse vitet e tyre të punës në Shqipëri nuk njihen. Kjo ka të bëjë me mungesën e marrëveshjes midis dy shteteve dhe shërbimeve përkatëse kompetente.
Kjo është pasojë e shumë faktorëve dhe në thelb pamjaftueshmëria e infrastrukturës së shërbimit shqiptar përkatës dhe mungesës së burimeve financiare nga shteti shqiptar. Megjithatë, në një vizitë të fundit nga Kryeministri shqiptar në Greqi, pala greke premtoi të trajtojë çështjen e pensioneve shqiptare në Greqi. Por siç dihet deri me sot emigrantët fjalën e pensionit ndigjojnë dhe pension me sy nuk po shikojnë. Por nje e keqe është se një pjesë e shqiptarve për shumë arsye, të cilët banojnë dhe punojnë ilegalisht në Greqi, me rezultatin që ata nuk paguajnë kontributet e nevojshme në IKA, nuk kanë të drejtë për pension nga shteti grek.
Problemi i tretë dhe më kryesor është:
Deri më sot problemi i përjetshëm i lejes së qëndrimit i atribuohet qeverisë greke. Është qeveria greke që ka vështirësi në lëshimin e këtyre dokumenteve. Nuk është vetëm një strategji e qeverisë greke, por e të gjitha qeverive ekonomikisht të forta në mbarë botën për të siguruar që hyrjet e të huajve në vendin e tyre të mos jenë të pakontrollueshme.
Shumë ligje dhe dekrete presidenciale nuk kanë bërë të mundur legalizimin ashtu siç bëhet ne vende e tjera te BE. Shumë shqiptarë ende sot mbeten peng të këtyre ligjeve të cilët nga viti në vit në vend të përmisojnë proçesin e legalizimit e veshtirësojne atë, duke e kthyer këtë proçes në fitime ekonomike. Deri me sot vetëm 18 mijë emigrantë të kombësive të ndryshme, kane marrë leje me afatgjatë, ndërsa pjesa më e madhe po ndeshet ne ingranazhin e njohur të legalizimit…
387. 023 emigrantë shqiptarë të ligjshëm në Greqi
Kjo shifër zyrtare ka dalë nga Ministria e Brendshme, e cila ka publikuar statistikat për emigracionin e ligjshëm shqiptar në Greqi në prill të vitit 2016. Sipas Ministrisë së Brendshme, numri i emigrantëve të ligjshëm nga Shqipëria është 378,023.
Në detaje, të dhënat për emigrantët shqiptar në Greqi
Leja e qëndrimit për punësim për burrat është 31.385, ndërsa për gratë 10.446 .Gjithsej 41.831.
Llojet e tjera të lejeve të qëndrimit (banor afatgjatë, dekadë, të pacaktuar, certifikatë të veçantë, gruaja e dytë e shtetasit grek, arsye të jashtëzakonshme etj.) burrat 113,773 dhe gratë 62,601. Gjithsej 176,374 shqiptar.
Bashkim familjar, burra 66.105 dhe 102.453.Gjithsej 168.558
Studime, djem 98 dhe vajza 162 Gjithësej 260
Në total emigrantë nga Shqipëria
Burra 211.361 dhe gra 175.662. Gjithsej 387,023
Në të gjithë territorin grek, emigrantët e ligjshëm të të gjitha kombësive janë
Burra 290.044 dhe Gra 267.432. Gjithsej 557.476 emigrantë
Nga statistikat e mësipërme duket se emigrantët ligjorë shqiptarë përbëjnë 70% të totalit të emigrantëve legalë që jetojnë në Greqi.
