Pesë shqiptarë, pjesë e një organizatë kriminale të shfrytëzimit të prostitucionit janë arrestuar në Itali. Mediat italiane shkruajnë se nga aksioni i zhvilluar në Torino u arrestuan edhe 15 vajza; shqiptare, rumune dhe moldave të cilat shfrytëzoheshin për prostitucion nga grupi i shqiptarëve.
Policia italine ende nuk ka bërë me dije emrat e shqiptarëve të arrestuar. Para hetuesve, disa prej vajzave treguan se kishin dëshirë të largoheshin, por frikësoheshin nga shqiptarët që i shfrytëzonin. Fatmirësisht, ndërhyrja e Karabinierëve i dha fund makthit të vajzave.
