Në fakt nuk është hera e parë që ish-kryeministri Berisha kritikon strategjinë e partisë së tij lidhur me rezultatin e zgjedhjeve të 25 qershorit. Jo pa keqardhje, Berisha ka pohuar në emisionin “360 gradë” të gazetarit Artur Zheji se këshilltarët e fushatës kanë bërë gabime fatale, ndërkohë që Rama ka patur këshilltarë më të mirë.
“Atë deklaratë që e kam bërë e kam bërë me shumë dhimbje, se unë i njoh dhe prej tyre dhe janë njerëz të shquar, por këtu bënë gabime fatale. Basha me program ekonomik të hartuar nga CDU ndërsa Rama me timon bëri të ishte më i pëlqyer. Edhe Rama kishte këshilltarë, por këshilltarët e tij ishin pakrahasimisht më të saktë se të Lulzim Bashës”.
