Ditën e sotme në media u përhap lajmi i pavërtetë se gruaja e ish-udhëheqësit komunist Enver Hoxha ka ndërruar jetë. Lajmi u përhap me shpejtësi nëpër portale duke sjellë konfuzion.
Diell-online.al shkoi në shtëpinë e Nexhmije Hoxhës për të mësuar se si qëndronte e vërteta mbi shëndetin e saj. Zonja Hoxha nuk pranoi të fliste, por ne morëm një prononcim nga vajza e saj, Pranvera, e cila u shpreh se nuk kishte qënë në dijeni të lajmit dhe se sëbashku me nënën e saj ndodheshin në shtëpi duke ngrënë darkë.
“Zonja Hoxha është shumë mirë dhe gëzon shëndet të plotë. Nuk ka pasur asnjë problem shëndetësor dhe nuk janë aspak të vërteta lajmet që është sëmurë apo është shtruar në spital”- ka pohuar Pranvera Hoxha.
E pyetur nëse mund të kishim një prononcim të Nexhmijes, Pranvera tha se:” Nuk dëshiron të flasë për asnjë gazetar dhe nuk do të takojë asnjë njeri. Ju siguroj se Nexhmije Hoxha gëzon shëndet të plotë dhe tani jemi duke ngrënë darkë”.
