Gjykata Adminiatrative rrëzoi kërkesën e prokurores Rovena Gashi e cila kërkonte që të shpallej i paligjshëm largimi i saj nga detyra e Drejtoreshës së Marrëdhënieve me Jashtë dhe atë të drejtueses së Njësisë së Dekiminalizimit.
Në një seancë të zhvilluar ditën e sotme u shqyrtua padia e prokurores Gashi kundër vendimit të kryeprokurores së Përkohshme Arta Marku. Vetë prokurorja Gashi nuk ishte e pranishme në seancën e sotme, ku u paraqit mbrojtësi i saj ligjor Çlirim Gjata. Ndërsa Kryeprokurorja Arta Marku u përfaqësua nga ndihmësja Ligjore Pranvera Gruda.
Avokati i prokurores Gashi, Çlirim Gjata, tha se kemi të bëjmë me një emërim të ligjshëm të të mbrojturës prej tij dhe se urdhëri për lirim nga detyra të Rovena Gashit është i paligjshëm.
