Kryeminsitri Edi Rama ka folur për herë të parë lidhur me bisedimet mes delegacioneve shqiptare dhe atyre greke në lidhje me çështjet e pazgjidhura mes vendeve.
Kryeministri tha në emisionin “5 pyetjet nga Babaramo”, se janë në tryezë të gjitha çështjet që për Shqipërinë kanë pasur rëndësi, duke përfshirë edhe çështjen e pronave të shqiptarëve, apo çëështjen çame që grekët nuk e njohin, por nuk flet per demet qe ka sjelle kjo qasje e Greqise ndaj shqiptareve qe kane prona te patjetersueshme ne Greqi!
“Jemi në proces por të gjitha çështjet janë në tavolinë, që nga ligji absurd i luftës deri te çështjet që kanë të bëjnë me lehtësimin maksimal të shqiptarëve në Greqi lidhur me procedura që kanë qenë ngarkesë për ta.
Ligji i luftës do jetë një dokument që i mbetet historisë. Synimi është të nënshkruhet një dokument i ri partneriteti strategjik.
Nuk dua të jap detaje se nuk kemi konkluzione por dua të them që të gjitha çështjet që për ne kanë pasur rëndësi dhe u bënë shkak i një periudhe të nxehtë janë në tavolinë, për të gjetur zgjidhje përfundimtare, pasi e shkuara na ka mësuar se këto çështje në momente të caktuara, për arsye të caktuara kthehen në problem mes vendeve”, tha Rama.
