Kryeministri Edi Rama ka bërë dy postime të njëpasnjëshme në rrjetet sociale pas ndalimit të Arbër Çekajt në Gjermani. Ai lë të kuptohet se në ditët e ardhshme do të ketë arrestime të tjera të bujshme.
“Jo se e kërkon Gjermania a bota,po se ne themi atë që bëjmë e bëjmë atë që themi! E jemi ne e askush tjetër që mund ta kalojë detin që ndan të thënat nga të bërat, sado baltë të na hedhin dhe zjarr marazi të ndezin”, shkruan Kryeministri.
Ndërkohë në reagimin tjetër i kundërvihej opozitës, e cila ka thënë se dorëheqja e Saimir Tahirit erdhi pas një pakti mes tij dhe Ramës.
“Ç’është kjo opozitë pikë e vrer pas largimit të Saimir Tahirit, e arrestimit të kokave të trafikut të kokainës në Gjermani e Spanjë falë bashkëpunimit tonë ndërkombëtar? Sa gjynah më vjen për ata që ende u besojnë këtyre vulëhumburve pa atdhe. Po duan s’duan këta Shqipërinë do ta bëjmë!”, shkruan Rama./lapsi.al
