Tërmetet e reja në zonën tashmë të prekur nga sisma dhe cunami. Të vdekurit rriten në 1234, por shumë zona janë ende të paarritshme. Ne Palu mungon ushqimi, uji dhe energjia elektrike. Përpjekje për të vjedhur dyqanet
Xhakarta – Në Indonezi, toka vazhdon të dridhet, ndërsa rritet bilanci I viktimave të tërmetit të parë dhe cunamit që goditi ishullin e Sulawesi të premten e kaluar: viktimat tani janë 1,234, dhe 99 të zhdukur dhe 799 të plagosur. Personat e zhvendosur janë mbi 61 mijë. Shumica e viktimave ndodhën në qytetin e Palu, kryeqyteti i provincës qendrore Sulawesi. Dy tërmete të reja goditën njëri pas tjetrit, në bregun jugor të ishullit indonezian Sumba. Një tërmet sipërfaqësor dhe i moderuar me magnitudë 5.9 goditi natën, rreth 40 kilometra nga Sumba, një ishull prej 75 mijë banorësh. Pesëmbëdhjetë minuta më vonë, një tjetër goditje me magnitudë 6, në të njëjtën zonë, në një thellësi prej 30 kilometrash.
Megjithatë, situata e ndihmaneve humanitare po bëhet gjithnjë e më e vështirë, për shkak të kushteve të këqija të rrugëve. Në Palu mungojnë shërbimet e domosdoshme, energjia elektrike shkon me ndërprerje, furnizimi me ujë janë të pakta dhe ushqimi dhe ilaçet mungojnë. Ushtria është vënë për të mbrojtur dyqanet e pakta që janë akoma të hapura dhe dëshmitarë okularë – duke përfshirë një gazetar i BBC – tregojnë për përpjekjet për të plaçkitur dhe sulmuar, që u shtypën nga ushtria duke qëlluar në ajër me armë zjarri dhe gaz lotsjellës mbi turmën.
Ndërkohë, ekipet e shpëtimit kanë rikuperuar trupat e 34 studentëve të teologjisë në një Kishë të shkatërruar nga një rrëshqitje e tokës. Në kishën e Jonooge, në rrethin e Siri Biromaru, në qendër të ishullit, ishin mbledhur 86 të rinj për një seminar të studimeve biblike. Lajmi i zbulimit makabër u dha nga Kryqi i Kuq lokal. Nuk është e qartë mosha e viktimave apo çfarë ka ndodhur me ata që ende mungojnë në apel. Rrethi malor i Siri Biromaru, në juglindje të Palut, është i vështirë për t’u qasur dhe shpëtuesit përballen me një marshim të vështirë për të rimarrë viktimat. Indonezia, 260 milionë banorë, është vendi më i populluar musliman në botë, por ka disa pakica fetare, duke përfshirë edhe të krishterët./360grade.al
360grade.al
