Shqipëria në ditë të hallit! 🤭🤭
nga Nora Malaj
As bonusi për bebe , që qeveria e bëri
me tam- tame dhe pam – pame , nuk e zgjidhi gjendje kaq tragjike të lindshmërisë ,me të cilën po përballet vendi ynë!
Edhe nëse do të jesh optimist, shifrat kokëforta nuk të lënë që dhe gotën që ka shkuar në çerek , ta gjuash gjysmë të mbushur?!
Revista Monitor , na trondit , kur thotë se:
“Gratë që jetojnë në Shqipëri vit pas viti po heqin dorë nga mëmësia, duke reduktuar në mënyrë drastike numrin bebeve të sjella në jetë.
Në vitin 2018 ky fenomen u theksua edhe më shumë kur numri mesatar i fëmijë të lindur nga një grua shënoi rekord historik. Indeksi i fertilitetit ishte vetëm 1.37 fëmijë për një grua nga 1.48 fëmijë më 2017 dhe nga 1.73 fëmijë për grua që ishte ky indeks në vitin 2014, sipas të dhënave të INSTAT.
Rënia me shpejtësi e numrit të lindjeve e ka çuar Shqipërinë nën normën e zëvendësimit e cila përllogaritet 2.1 fëmijë për grua.
Gjithashtu Shqipëria e ka normën e lindshmërisë shumë poshtë indeksit global të fertilitetit i cili në vitin 2017 ishte 2.4 fëmijë për grua sipas të dhënave të Bankës Botërore. Gratë shqiptare lindin gati 50 për qind më pak fëmijë se mesatarja globale.”
Sot Shqipëria ka mbërritur numrin rekodë të uljeve të lindjes.
Ky është lajmë më i dhimbshëm dhe statistka më e frikshme , që po përballemi sot me plakjen galopante që po i ndodh popullësisë shqiptare.
Tabloja : Lindje s’ka , popullësia moshohet me shpejtësi,70 për qind e të rinjve dhe mosha mesatare, ikin dge vetēm ikin , pagat në nivel mimimaliste, 70 për qind e tyre shërben për ushqimet bazike vetëm të shportës, jeta e pasigurtë , stres kolektivë dhe arka e qeverisë e zbrazët!!
Biznese të pasigurtë, ngritja e taksave me shpejtësi marramendëse dhe goja duhet të mbyllet!
As bonusi i bebeve nuk shërbeu për të rritur numrin e lindjeve!
Tashmë qeveria ka treguar paaftësi totale qeverisje dhe e ka zhytur vendin në dëshpërim! Realisht , përtej tërmetit dhe atyre qytetarëve që gjenden në ditët më të vështira, Shqipëria gjendet në ditë të hallit!
Sigurisht ka një pērgjegjës që duhet të perballet me kete realitet. Qeveria që po zvarritet ai një qerre e shkatërruar , në baltovinën e rrugës , që ka ndërtuar me pa siguri e zgjidhje për të nesërmen ! Kjo tablo është më shumë se mjerim!
Është ky realiteti ku paaftësia e qeverisjes na e ka bërë dhuratë në prag të fundvitit!
Ky realitet quhet rast i pashpresë edhe nëse drita e bredhit të Vitit të Ri , me pahirë mundohen të “shkëlqejnë”…
