Home KRYESORE Propozimet e Shoqatës së Turoperatorëve dhe Agjencive Turistike për dëmin e shkaktuar...

Propozimet e Shoqatës së Turoperatorëve dhe Agjencive Turistike për dëmin e shkaktuar sektorit të turizmi nga tërmeti i 26 Nëntorit.

Rreth një muaj nga tërmeti i datës 26 Nëntor pasojat në qytetin e Durrësit, në ekonomi, si dhe në shoqërinë shqiptare janë ende prezente.

Durrësi një qytet i mbështetur gjërësisht në sektorin turistik kontribon në 10% PBB, duke u renditur në ekonominë e tretë më të madhe në vend, por dëmi që pritet ti bëhet turizmit është më i gjërë sesa vetëm zona e Golem-Durrësit.

Shoqata Shqiptare e Turoperatorëve dhe Agjencive Turistike në vijim te kontributit të saj për familjet dhe bizneset e prekura nga kjo fatkeqësi natyrore, i është drejtuar me një letër zyrtare Ministrisë së Turizmit dhe Mjedisit dhe Ministrisë së Shteti për Rindërtimin me propozimet e mëposhtëme për rimëkëmbjen ekonomike të zonave të prekura të cilat mbështeten fuqimisht në sektorin e turizmit:

· Çertifikim sizmik ndërkombëtar i mbështetur nga shteti, për hotelet dhe apartamentet pritëse dhe promovimin e këtij proçesi në mediat vendase dhe të huaja.

· Të përfundojë sa më shpejtë proçesi i standartizimit të hoteleve dhe apartamenteve pritëse.

· Pjesëmarrje më e zgjeruar në Panaire Ndërkombëtare dhe organizimin e promo tour-eve me gazetarë të mediave të huaja.

· Lehtësi fiskale për vitin 2020 për hotelet e prekura nga tërmeti i 26 Nëntorit.

Jemi të bindur se marrja në konsideratë e propozimeve tona do të kenë një ndikim të drejtëpërdrejtë në aktivitetin ekonomik në zonat e prekura do te rikthente normalitetin ne jetën e përditëshme si dhe do të garantonte ecurinë pozitive të sektorit te turizmit përgjatë vitit 2020.

Nga ATOA

Share: